Turorientering til 23. oktober

Hausten kan vere ei fin tid til ein tur i fjellet. Grunna dårleg ver i sommar, utvidar vi tur-o-sesongen til 23. oktober. Det er såleis framleis mogeleg å få med seg mange tur-o-postar dei neste tre vekene. 

Det er enkle turar (grøne) i Hafstadparken, Vieåsen/Slåtten, Førde sentrum og Sunde/Farsund. Dette er turar der postane er lett tilgjengeleg.

Så er det turar som går ut i marka. Dei finn du i Sundsdalen (Koltjønna), Soleide, Kråkenesmarka og Sundsdalen (Høgelia).

Nedlasting av kart og utskrift gjer du sjølv på denne linken her. 

Bruk hausten godt - ta deg ein tur ut i skog og mark! Bildet over er frå Sundsdalen og området Høgelia.